Prizreni: Zemra kulturore e Kosovës

Të gjithë ata që dëshirojnë të vizitojnë Prizrenin nga cilido vend, qoftë nga Prishtina, Tirana, Shkupi, Podgorica, apo edhe qytete të tjera, mund ta bëjnë rezervimin online të biletës së autobusit në Gjirafa Travel me vetëm një klik. Të gjitha informacionet lidhur me çmimet e biletave, vendnisjet, linjat me të cilat do të udhëtojnë e kohëzgjatjen i gjeni në po këtë faqe së bashku me shumë info të tjera.

Sidoqoftë, ju mund të udhëtoni edhe duke marrë një veturë me qira, me çmime të arsyeshme. Ka edhe taksi që operojnë nga të gjitha qytetet.

Kryeqyteti kulturor

Prizreni është një qytet i jashtëzakonshëm për t'u vizituar në Kosovë. I vendosur në jug të vendit, është një qytet me një histori të pasur dhe arkitekturë mahnitëse. Nga xhamia e famshme e Sinan Pashës, Lidhja e Prizrenit e deri te tregjet e gjalla dhe kalaja e lashtë, Prizreni është një destinacion që duhet parë nga secili që viziton Kosovën.

Ai njihet për mikpritjen dhe jetën e gjallë të natës. Qoftë nëse jeni duke eksploruar historinë e qytetit, duke ngrënë ushqime tradicionale me shumë shije ose thjesht duke shijuar pamjet e bukura, Prizreni është qyteti më i vizituar përkrah Prishtinës.

Më poshtë po ju sjellim vendet dhe përvojat më të mira të kryeqytetit kulturor të Kosovës.

Çarshia e Vjetër tregon bukuritë tjera të Prizrenit dhe është hapësira më e mirë për një shëtitje edhe në Sheshin e Shtërvanit. Rrugët me një ndërtim unik të lashtë, e përreth me tregtarë të ndryshëm, aty do të kaloni një kohë shumë të mirë.

E këtu qëndron edhe një xhami mahnitëse dhe e përpunuar e quajtur Xhamia e Sinan Pashës. Është një vend i njohur turistik dhe një nga monumentet më të famshme të qytetit. Vizitorët mund të shikojnë brendësinë e xhamisë, e cila është e zbukuruar me afreske të shkëlqyera. Kjo xhami ka poashtu një oborr të madh ku mysafirët mund të çlodhen e të shijojnë ambientin e qetë. Ajo është një pikë thelbësore e jetës fetare dhe kulturore të qytetit ende funksionale.

Shtëpia muze “Lidhja e Prizrenit” – ndodhet në zemër të qytetit e cila duhet të vizitohet nga të gjithë ata që dëshirojnë të mësojnë për pikë nisjen e “nacionalizmit” modern shqiptar.

Ura e Vjetër e Gurit është një pikë referimi historike dhe arkitekturore që përfshin lumin Lumbardh. Për këdo që thjesht kalon nëpër qytet, ajo është një vizitë e domosdoshme.

Kalaja e Prizrenit, padyshim është ndër karakteristikat më të njohura në Prizren që ofron një pamje panoramike të qytetit. Kalaja është një vend i pëlqyer për turistët që vijnë dhe bëjnë fotografi pasi ofron pamje mahnitëse të gjithë qytetit. Brenda ka edhe një kishë dhe një muze. Hapësira është mjaft e madhe edhe për aktivitete në natyrë, apo thjesht të shijoni peizazhin dhe ajrin e pastër.

Kuzhina

Ky qytet i bukur është i njohur për kuzhinë të pasur duke u ofruar turistëve një përzgjedhje të gjerë të specialiteteve rajonale, si dhe delikatesa nga e gjithë bota. Shumë restorante ofrojnë opsione të shumta si speca të mbushur dhe gjethe hardhie, byrekë tradicionale, sallata të shëndetshme apo edhe qebapët e famshëm të Prizrenit të cilet patjetër duhet t’i provoni.

Festivali “Dokufest” është një festival ndërkombëtar i filmit dokumentar dhe të shkurtër i cili tërheqë kineast, e entuziastë të kinemasë nga e gjithë bota e çka e bën më unik është që mbahet edhe në ambiente të hapura.

Në Prizren keni mjaft zgjidhje të përshtatshme për të gjithë edhe sa i përket akomodimit në hotele, kështu që e tëra çka duhet të bëni është të niseni drejt tij dhe të kënaqeni me gjithë ato çka ofron ai.