Të dhënat personale nënkupton çdo informacion që lidhet me një person fizik të identifikuar ose të identifikueshëm (i referuar gjithashtu si “Subjekti i të Dhënave”); një person fizik i identifikueshëm është ai që mund të identifikohet, drejtpërdrejt ose tërthorazi, veçanërisht duke iu referuar një identifikuesi si emri, një numër identifikimi, të dhënat e vendndodhjes, një identifikues në internet ose një ose më shumë faktorë specifikë fizikë, fiziologjikë, identitetin gjenetik, mendor, ekonomik, kulturor ose social të atij personi fizik. Këtu përfshihet veçanërisht data e lindjes ose vendi i lindjes, adresa e postës elektronike, numri i telefonit, vendbanimi, identifikuesi i rrjetit (cookies), numri i kartës së identitetit dhe numri i patentës së shoferit, kopja e këtyre ID-ve, të dhënat rreth llogarive në rrjetet sociale, përmbajtja e bisedës, ID-ja e Google, të dhënat online dhe offline dhe kombinimi i tyre, të dhëna për aktivitetet në Faqen e Internetit duke përfshirë analizën e grupimeve, të dhëna për mallrat e blera deri më sot dhe shërbimet e ofruara nga personi përgjegjës deri më sot, etj. Në mënyrë të përmbledhur, nënkupton çdo informacion që, në vetvete ose në kombinim me të dhëna të tjera, mund të identifikonte një person fizik të caktuar. Subjekt i të dhënave mund të konsiderohet secili përdorues i Shërbimeve tona.

Përpunimi i të dhënave nënkupton çdo veprim ose grup veprimesh mbi të dhënat personale ose mbi grupe të dhënash personale të kryera me ndihmën e procedurave automatike ose pa procedura të tilla mbi të dhënat personale; p.sh. koleksionimi, grumbullimi, përdorimi, klasifikimi, kombinimi, rregullimi, strukturimi, rigrupimi ose lidhja, ruajtja, përshtatja ose modifikimi, kërkimi, konsultimi, shënimi, shfrytëzimi, shpërndarja, vënia në dispozicion me anë të transmetimit ose çdo vënie në dispozicion, kufizimi, fshirja ose shkatërrimi i te dhënave personale.

Në përputhje me Ligjin Nr. 06/L-082 për Mbrojtjen e të Dhënave Personale, kontrolluesi i të dhënave (Gjirafa) mund të përpunojë të dhënat personale vetëm për arsye specifike ligjore, përkatësisht në bazë kontraktuale dhe në bazë ligjore (përfshirë në bazë të një detyrimi ligjor). Në këtë drejtim, përpunimi i të dhënave në rastin konkret duhet të jetë në interesin publik, të shërbejë për mbrojtjen e interesave të subjektit të të dhënave ose të një personi tjetër fizik, të jetë i nevojshëm për shkak të interesave legjitime të kontrolluesit ose të një pale të tretë, ose të kryhet me pëlqimin e shprehur të subjektit të të dhënave. Fushëveprimi i të dhënave që do të përpunohen varet nga qëllimi ose baza ligjore e përpunimit përkatës.

Në disa raste, kontrolluesi i të dhënave përdor shërbimet e palëve të treta në lidhje me aktivitetet e tij të biznesit. Ndër të tjera, këta përpunojnë edhe të dhënat personale të mbledhura nga kontrolluesi. Këto palë të treta do të konsiderohen më pas si përpunues të porositur të të dhënave. Këtu bëjnë pjesë për shembull, sistemet e IT-së dhe administratorët e faqeve të internetit, kontabilistët, këshilltarët tatimorë, avokatët, auditorët, agjencitë e marketingut, etj. Në kuadër të përmbushjes së detyrimeve të tij ligjore, kontrolluesi i të dhënave duhet t'u transmetojë gjithashtu të dhëna personale autoriteteve publike (p.sh. gjykatat, agjencitë e zbatimit të ligjit, autoritetet administrative, etj.) në një masë të domosdoshme.

Kur vizitoni, përdorni ose navigoni Shërbimet tona, ne mund të përpunojmë informacione personale në varësi të mënyrës se si ndërveproni me ne dhe Shërbimet, zgjedhjet që bëni dhe produktet dhe veçoritë që përdorni. Mësoni më shumë rreth informacionit personal që na jepni, më poshtë.

Ne nuk përpunojmë informacione të ndjeshme personale, përveç rasteve kur gjykohet e nevojshme dhe ne kemi paraprakisht pëlqimin tuaj me shkrim.

Ne mund të mbledhim informacione nga bazat e të dhënave publike, partnerët e marketingut, platformat e mediave sociale dhe burime të tjera të jashtme. Mësoni më shumë rreth informacionit të mbledhur nga burime të tjera, më poshtë.

Ne e përpunojmë informacionin tuaj për të ofruar, përmirësuar dhe administruar Shërbimet tona, për të komunikuar me ju, për sigurinë dhe parandalimin e mashtrimit dhe për të respektuar ligjin. Ne gjithashtu mund të përpunojmë informacionin tuaj për qëllime të tjera, me pëlqimin tuaj. Ne përpunojmë informacionin tuaj vetëm kur kemi një arsye ligjore të vlefshme për ta bërë këtë. Mësoni më shumë rreth mënyrës se si e përpunojmë informacionin tuaj, më poshtë.

Ne mund të ndajmë informacion në situata specifike dhe me palë të treta specifike. Mësoni më shumë se kur dhe me kë ndajmë informacionin tuaj personal, më poshtë.

Ligji në fuqi për privatësinë në Kosovë, përkatësisht Ligji Nr. 06/L-082 për Mbrojtjen e të Dhënave Personale, përcakton se ju keni disa të drejta në lidhje me të dhënat tuaja personale. Gjirafa ka përditësuar këtë Politikë të Privatësisë për të siguruar që politikat e saj për rregullimin e proceseve dhe masat e sigurisë për mbledhjen dhe përpunimin e të dhënave personale janë në përputhje me ligjin. Për më tepër, Gjirafa do të bëjë të gjitha përpjekjet për të siguruar që të dhënat personale të mbledhura nga përdoruesit të trajtohen në përputhje me ligjet në fuqi në Republikën e Kosovës.

Gjirafa gjithashtu synon vullnetarisht dhe vazhdimisht të përputhë dhe të harmonizojë praktikat e saj me standardet më të larta ndërkombëtare në lidhje me mbrojtjen e privatësisë dhe të dhënave personale, siç është Rregullorja e Përgjithshme për Mbrojtjen e të Dhënave, (GDPR) e Bashkimit Evropian, e cila ka hyrë në fuqi më 25 maj 2018. Kjo Politikë e Privatësisë zbatohet për dhe është e zbatueshme për çdo përdorues të çfarëdo faqe të internetit, produkteve apo shërbimeve të ofruara nga dhe/ose nëpërmjet Gjirafa. Mësoni më shumë rreth të drejtave tuaja të privatësisë, më poshtë.

Mënyra më e lehtë për të ushtruar të drejtat tuaja është duke vizituar www.travel.gjirafa.com ose duke na kontaktuar. Ne do të shqyrtojmë dhe do të veprojmë sipas çdo kërkese në përputhje me ligjet në fuqi për mbrojtjen e të dhënave.

Dëshironi të mësoni më shumë rreth asaj që bëjmë me çdo informacion që mbledhim?

Lexoni në tërësi Politikën e Privatësisë.

Shkurtimisht: Ne mbledhim informacione personale që ju na jepni.

Ne mbledhim informacione personale që ju na jepni vullnetarisht kur regjistroheni në Platformë dhe/ose Shërbime, ose, në raste të caktuara, të dhëna të ofruara nga një prind dhe/ose kujdestar ligjor, në lidhje me Shërbimet e Gjirafa. Ne mbledhim informacionin kur ju përditësoni ose plotësoni të dhënat personale në llogarinë tuaj, shprehni interesim për të marrë informacion rreth nesh ose produkteve dhe shërbimeve tona, kur merrni pjesë në aktivitete mbi Shërbimet, kur porositni dhe/ose blini, nga dhe/ose nëpërmjet Shërbimeve tona, kur hasni në rrethana të tjera, siç mund të specifikohet në këtë Politikë të Privatësisë ose ndryshe kur na kontaktoni.

Informacioni personal i dhënë nga juInformacioni personal që mbledhim varet nga konteksti i ndërveprimeve tuaja me ne dhe Shërbimet, zgjedhjet që bëni dhe produktet dhe veçoritë që përdorni. Informacioni personal që mbledhim mund të përfshijë sa vijon, por nuk kufizohet në:

• Emri dhe mbiemri
• Numrat e telefonit
• Adresat e emailit
• Adresat e banimit
• Të dhënat e kontaktit ose të vërtetimit
• Adresat e faturimit
• Letërnjoftimi (ID)
• Data e lindjes
• Fjalëkalimi
• Informacione të tjera relevante në përputhje me qëllimin dhe/ose bazën ligjore.

Lloje të tjera të informacionit personal që ne mund të mbledhim, përfshijnë, por nuk kufizohen në:

• Kur blini produkte dhe/ose shërbime të ndryshme nga ne, atëherë mund t'ju kërkohen informacione të tilla si adresa e dorëzimit për produktin e blerë, adresa e faturimit, të dhënat e kartës dhe/ose të llogarisë bankare, të dhëna në lidhje me mjetet e ndryshme të pagesës dhe informacione të tjera të ofruara nga ju për blerjen e çdo produkti dhe/ose shërbimi, dhe për qëllimin e ofrimit të produktit të porositur dhe përfundimit me sukses të pagesës.
• Kur përdorni Shërbimet tona, duke përfshirë kur vizitoni ndonjë nga faqet tona të internetit, ju mund të jepni informacione personale si mosha, gjinia, interesat, arsimi, përvoja profesionale, preferencat, etj.
• Ne gjithashtu mund të mbledhim dhe përpunojmë informacione të tjera shtesë që kërkohen ose autorizohen nga ligjet në fuqi për mbledhjen dhe përpunimin e të dhënave, me qëllim identifikimin dhe verifikimin e informacionit të ofruar për ju, veçanërisht kur veprime të tilla kërkohen dhe/ose urdhërohen nga ndonjë autoritet publik kompetent.

Në asnjë rast dhe në asnjë rrethanë, ne nuk do t'ju kërkojmë të zbuloni dhe/ose të jepni të dhënat personale të fëmijëve. Ju mund të vendosni emrin e një të mituri nën kujdesin tuaj në llogarinë e regjistruar në Gjirafa vetëm për qëllimin e identifikimit të përdoruesit, dhe për qëllimin e zgjedhjes së përmbajtjes që është e përshtatshme për moshën e tyre.

Të gjitha informacionet personale që ju na jepni duhet të jenë të vërteta, të plota dhe të sakta, dhe ju duhet të na njoftoni për çdo ndryshim në këto informacione personale.

Informacion i ndjeshëmNe nuk përpunojmë informacione të ndjeshme, përveç rasteve kur gjykohet e nevojshme dhe ne kemi paraprakisht pëlqimin tuaj me shkrim.

Të dhënat e pagesësNe nuk mbledhim, ruajmë ose përpunojmë kartën bankare nëse bëni blerje. Në rastet kur përpunimi i pagesës kryhet nga palë të treta, ne mund t'i ndajmë të dhënat e pagesave të ofruara nga Ju me palët e treta që ofrojnë shërbimet përkatëse të përpunimit të pagesave. Të gjitha të dhënat e pagesës ruhen nga pala e tretë përkatëse. Në raste të tilla, janë të zbatueshme kushtet dhe politikat për përpunimin e të dhënave personale të palëve të treta përkatëse. Ju këshillojmë të lexoni politikën e privatësisë të palëve të treta përkatëse.

Informacioni i mbledhur automatikishtShkurtimisht: Disa informacione — si adresa juaj e Protokollit të Internetit (IP) dhe/ose karakteristikat e shfletuesit dhe pajisjes — mblidhen automatikisht kur vizitoni Shërbimet tona

Ne mbledhim automatikisht informacione të caktuara kur ju vizitoni, përdorni ose navigoni Shërbimet tona. Ky informacion mund të zbulojë identitetin tuaj specifik (si emri, informacioni i kontaktit ose numri i ID-së), dhe mund të përfshijë informacionin e pajisjes dhe përdorimit, si adresën tuaj IP, karakteristikat e shfletuesit dhe pajisjes, sistemin operativ, preferencat gjuhësore, URL-të referuese, emri i pajisjes, vendin, vendndodhjen, informacionin se si dhe kur i përdorni Shërbimet tona, të dhënat mbi preferencat tuaja të marketingut, reklamimit dhe komunikimit me ne, cilat të dhëna marrim ne nga pajisjet që përdorni kur përdorni Shërbimet tona, kur regjistroni një llogari me ne, përditësoni ose shtoni informacion në llogarinë tuaj, merrni pjesë në diskutime ose biseda në internet dhe/ose kur komunikoni me ne në lidhje me Shërbimet tona, të dhëna nga pajisjet tuaja si statistikat e shikimit të faqeve, trafiku në dhe/ose nga faqe të internetit të caktuara, miniaplikacione, historiku i shfletimit ose të dhënat tuaja të hyrjes në faqet tona të internetit ose ato të partnerëve tanë, të dhënat për termat e kërkimit dhe/ose filtrat e përdorur dhe informacione të tjera teknike. Ky informacion është i nevojshëm kryesisht për të ruajtur sigurinë dhe funksionimin e Shërbimeve tona, si dhe për qëllimet tona të brendshme analitike dhe raportuese.

Informacioni që ne mbledhim përfshin:

• Regjistrin dhe të dhënat e përdorimit. Të dhënat e regjistrit dhe përdorimit janë informacione të lidhura me shërbimin, diagnostikimin, përdorimin dhe performancën që serverët tanë mbledhin automatikisht kur ju qaseni ose përdorni Shërbimet tona dhe të cilat ne i regjistrojmë në skedarët e regjistrave. Varësisht se si ndërveproni me ne, këto të dhëna të regjistrit mund të përfshijnë adresën tuaj IP, informacionin e pajisjes, llojin e shfletuesit dhe cilësimet dhe informacionin rreth aktivitetit tuaj në Shërbime (të tilla si vulat e datës/kohës që lidhen me përdorimin tuaj, faqet dhe skedarët e parë , kërkimet dhe veprimet e tjera që ndërmerrni, si p.sh. cilat veçori përdorni), informacionet e ngjarjeve të pajisjes (siç janë aktiviteti i sistemit, raportet e gabimeve (ndonjëherë të quajtura "depozitimet e përplasjeve"/”crash dumps”) dhe cilësimet e harduerit).
• Të Dhënat e Pajisjes. Ne mbledhim të dhëna të pajisjes, të tilla si informacione për kompjuterin, telefonin, tabletin ose pajisjen tjetër që përdorni për të hyrë në Shërbimet. Në varësi të pajisjes së përdorur, të dhënat e kësaj pajisjeje mund të përfshijnë informacione të tilla si adresa juaj IP (ose serveri proxy), numrat e identifikimit të pajisjes dhe aplikacionit, vendndodhjen, llojin e shfletuesit, modelin e harduerit, ofruesin e shërbimit të internetit dhe/ose operatorin celular, sistemin operativ dhe informacione për konfigurimin e sistemit.
• Të Dhënat e Vendndodhjes. Ne mbledhim të dhëna për vendndodhjen, si p.sh. informacione për vendndodhjen e pajisjes suaj, të cilat mund të jenë ose të sakta ose të pasakta. Sa informacion mbledhim varet nga lloji dhe cilësimet e pajisjes që përdorni për të hyrë në Shërbimet. Për shembull, ne mund të përdorim GPS dhe teknologji të tjera për të mbledhur të dhëna të vendndodhjes gjeografike që na tregojnë vendndodhjen tuaj aktuale (bazuar në adresën tuaj IP). Ju mund të tërhiqeni nga lejimi i mbledhjes së këtij informacioni ose duke refuzuar qasjen në informacion ose duke çaktivizuar cilësimin e vendndodhjes në pajisjen tuaj. Megjithatë, nëse zgjidhni të tërhiqeni, mund të mos jeni në gjendje të përdorni disa aspekte të Shërbimeve.

Ashtu si shumë biznese, ne gjithashtu mbledhim informacion përmes cookies dhe teknologjive të ngjashme. Kur ju vizitoni faqen tonë të internetit www.travel.gjirafa.com, skedarët e vegjël me tekst ruhen në shfletuesin tuaj, të ashtuquajturat “cookies”. Ruajtja e cookies kërkon miratimin tuaj në të ashtuquajturën procedurë "opt-in".

Cookies janë skedarë të vegjël teksti që përmbajnë një sasi të papërfillshme informacioni (shkronja dhe numra) që ruhen në kompjuterin tuaj kur vizitoni faqen e internetit dhe lundroni nëpër platformë dhe që i mundësojnë faqes së internetit të njohë shfletuesin ose pajisjen tuaj.

Në këtë Politikë të Privatësisë, ne do t'u referohemi skedarëve të tillë me fjalën "cookies" sipas versionit origjinal të shkruar në gjuhën angleze. Për sa i përket interesit tonë legjitim, cookies të tilla janë thelbësore për funksionimin e faqes së internetit (Platformës) dhe për shërbimet e internetit të GjirafaTravel.

Ne përdorim cookies për t'ju ofruar veçori dhe Shërbime, duke përfshirë:

• Për të ju njohur juve kur identifikoheni dhe kyçeni për të përdorur shërbimet tona;
• Për të memorizuar preferencat tuaja të specifikuara;
• Për të kryer diagnostifikimin mbi performancën e Shërbimeve tona dhe për të përmirësuar funksionalitetin e tyre;
• Për të përmirësuar sigurinë dhe parandalimin e aktiviteteve mashtruese;
• Për të kuptuar ndërveprimet e juaja me Shërbimet tona dhe për të personalizuar përmbajtjen që ju ofrohet, duke përfshirë reklamat.

Llojet e cookies që përdorim:

• Cookies të nevojshme: Këto cookies janë të nevojshme për funksionimin e Shërbimeve të Gjirafa dhe për këtë arsye nuk mund të ç’aktivizohen. Cookies të tilla nuk ruajnë asnjë të dhënë personalisht të identifikueshme.
• Cookies të performancës: Këto cookies na mundësojnë të monitorojmë vizitat dhe trafikun në faqet tona të internetit dhe përdoren për të matur dhe përmirësuar performancën e Shërbimeve tona. Këto cookie janë gjithashtu të nevojshme për ne për të dalluar subjektet individuale të të dhënave kur shikojmë faqet e internetit dhe për të shfaqur informacione të rëndësishme vetëm për këto subjekte të të dhënave sipas preferencave të tyre të mëparshme;
• Cookie marketingu: Këto cookies përdoren nga rrjetet e reklamave dhe rrjetet sociale për të konfiguruar reklamat që shihni në mënyrë që ato të paraqesin përmbajtje që është e rëndësishme për ju.

Nëse nuk dëshironi të ruani skedarët e cookie-ve rregullisht dhe sistematikisht në shfletuesin tuaj ose dëshironi të hiqni të gjithë skedarët e cookie-ve të ruajtura nga shfletuesi, mund ta specifikoni këtë në cilësimet e shfletuesit. Megjithatë, refuzimi ose bllokimi i skedarëve të cookies mund të ndikojë në përdorimin e faqes së internetit dhe ju mund të mos jeni në gjendje të përfitoni nga disa veçori thelbësore të Shërbimeve tona.

Google APIPërdorimi ynë i informacionit të marrë nga Google API do t'i përmbahet Politikës së të Dhënave të Përdoruesit të Shërbimeve API të Google, duke përfshirë kërkesat për përdorim të kufizuar.

Shkurtimisht: Ne mund të mbledhim të dhëna të kufizuara nga bazat e të dhënave publike, partnerët e marketingut, platformat e mediave sociale dhe burime të tjera të jashtme.

Për të rritur aftësinë tonë për të ofruar marketing, oferta dhe shërbime përkatëse për ju dhe për të përditësuar të dhënat tona, ne mund të marrim informacione rreth jush nga burime të tjera, të tilla si bazat e të dhënave publike, partnerët e përbashkët të marketingut, programet e filialeve, ofruesit e të dhënave, platformat e mediave sociale dhe nga palë të tjera të treta. Ky informacion përfshin adresat postare, titujt e punës, adresat e emailit, numrat e telefonit, të dhënat e qëllimit (ose të dhënat e sjelljes së përdoruesit), adresat e Protokollit të Internetit (IP), profilet e mediave sociale, URL-të e mediave sociale dhe profilet e personalizuara, për qëllime të reklamimit të targetuar dhe promovimit të ngjarjeve.

Ne përdorim gjithashtu ofruesit e shërbimeve për të kryer funksione dhe për të ofruar shërbime në zonat ku operojmë. Për shembull, ne përdorim shërbime të ndryshme të palëve të treta, siq janë Google Analytics, Hotjar, etj., për të ndihmuar në ofrimin e Shërbimeve të tij, të tilla si hostimi i serverëve ose aplikacioneve tona, ose për të na ndihmuar të kuptojmë përdorimin e Shërbimeve tona.

Nëse ndërveproni me ne në një platformë të mediave sociale duke përdorur llogarinë tuaj të mediave sociale (p.sh. Facebook), ne marrim informacione personale për ju nga platforma të tilla si emri, adresa e emailit dhe gjinia. Çdo informacion personal që mbledhim nga llogaria juaj e mediave sociale varet nga cilësimet e privatësisë së llogarisë suaj të mediave sociale. Ju lutemi vini re se përdorimi i tyre i informacionit tuaj nuk rregullohet nga kjo politikë e privatësisë.

Informacioni i mbledhur nga faqet e internetit të palëve të tretaNe përdorim të dhënat e referuara në këtë Politikë të Privatësisë për të ndihmuar në shfaqjen e reklamave që janë më të rëndësishme për Ju, për të vlerësuar efektivitetin e tyre dhe për të njohur pajisjet tuaja në mënyrë që t'ju ofrojmë reklama të tilla. Kur vizitoni faqet e internetit të palëve të treta që janë pjesë e platformës Gjirafa AdNetwork, Gjirafa mund të marrë të dhëna përdorimi.

Personalizimi i pajisjeve të ndryshmeKur ju hyni në Shërbimet e Gjirafa nga shfletuesi dhe/ose pajisja juaj, Gjirafa e lidh atë shfletues dhe/ose pajisje me llogarinë tuaj për qëllime identifikimi, sigurie dhe personalizimi. Për shembull, nëse vizitoni një faqe që përmban përmbajtje sportive në laptop, Gjirafa mund t'ju shfaqë reklama në lidhje me sportet në pajisjen tuaj celulare.

Shkurtimisht: Ne përpunojmë informacionin tuaj për të ofruar, përmirësuar dhe administruar Shërbimet tona, për të komunikuar me ju, për sigurinë dhe parandalimin e mashtrimit dhe për të respektuar ligjin. Ne gjithashtu mund të përpunojmë informacionin tuaj për qëllime të tjera me pëlqimin tuaj.

Shkurtimisht: Ne përpunojmë informacionin tuaj personal vetëm kur besojmë se është e nevojshme dhe kemi një arsye të vlefshme ligjore (d.m.th., bazë ligjore) për ta bërë këtë sipas ligjit në fuqi, si p.sh. me pëlqimin tuaj, për të respektuar ligjet, për t'ju ofruar shërbime për të hyrë ose përmbushur detyrimet tona kontraktuale, për të mbrojtur të drejtat tuaja ose për të përmbushur interesat tona legjitime të biznesit.

Ligji Nr. 06/L –082 për Mbrojtjen e të Dhënave Personale na kërkon të shpjegojmë bazat ligjore të vlefshme në të cilat mbështetemi për të përpunuar informacionin tuaj personal. Në këtë kuptim, ne mund të mbështetemi në bazat ligjore të mëposhtme për të përpunuar informacionin tuaj personal:

• Pëlqimi. Ne mund të përpunojmë informacionin tuaj nëse ju na keni dhënë leje (d.m.th. pëlqimin) për të përdorur informacionin tuaj personal për një qëllim të caktuar. Ju mund ta tërhiqni pëlqimin tuaj në çdo kohë. Mësoni më shumë rreth tërheqjes së pëlqimit tuaj, më poshtë.
• Përmbushja e një kontrate. Ne mund të përpunojmë informacionin tuaj personal kur besojmë se është e nevojshme të përmbushim detyrimet tona kontraktuale ndaj jush, duke përfshirë ofrimin e Shërbimeve tona ose me kërkesën tuaj përpara se të lidhim një kontratë me ju.
• Respektimi i Obligimit Ligjor. Ne mund të përpunojmë informacionin tuaj aty ku besojmë se është i nevojshëm për respektimin e obligimeve tona ligjore, si p.sh. të bashkëpunojmë me një organ të zbatimit të ligjit ose agjenci rregullatore, të ushtrojmë ose mbrojmë të drejtat tona ligjore, ose të zbulojmë informacionin tuaj si provë në një proces gjyqësor në të cilin jemi të përfshirë.
• Interesat legjitime. Ne mund të përpunojmë informacionin tuaj kur besojmë se është e nevojshme në mënyrë të arsyeshme për të arritur interesat tona legjitime të biznesit dhe këto interesa nuk i tejkalojnë interesat dhe të drejtat dhe liritë tuaja themelore. Për shembull, ne mund të përpunojmë informacionin tuaj personal për disa nga qëllimet e përshkruara në mënyrë që të:- Dërgojmë te përdoruesit tonë informacione rreth ofertave dhe zbritjeve speciale për produktet dhe shërbimet tona;- Zhvillojmë dhe shfaqim përmbajtje të reklamave të personalizuara dhe përkatëse për përdoruesit tonë;- Analizojmë se si përdoren Shërbimet tona në mënyrë që ne t'i përmirësojmë ato për t’i mbajtur përdoruesit tonë;- Mbështesim aktivitetet tona të marketingut;- Diagnostifikojmë problemet dhe/ose parandalojmë aktivitetet mashtruese;- Kuptojmë se si përdoruesit tonë përdorin produktet dhe shërbimet tona në mënyrë që të përmirësojmë përvojën e përdoruesit;- Për të krijuar një mjedis të padëmshëm dhe të sigurt kur përdorni faqen tonë të internetit;- Për të kuptuar më mirë klientët tonë dhe preferencat e tyre, duke u ofruar atyre shërbime të personalizuara;- Për të ofruar shërbime më të mira dhe të përditësuara për klientët tonë.
• Mbrojtja e Interesave jetike. Ne mund të përpunojmë informacionin tuaj aty ku besojmë se është e nevojshme për të mbrojtur interesat tuaja jetike ose interesat jetike të një pale të tretë, të tilla si situata që përfshijnë kërcënime të mundshme për sigurinë e cilitdo person.
• Interesi publik. Ne mund të përpunojmë informacionin tuaj nëse përpunimi është i nevojshëm për kryerjen e një detyre me interes publik ose për ushtrimin e autoritetit zyrtar që na është dhënë.

Shkurtimisht: Ne mund të ndajmë informacion në situata specifike të përshkruara në këtë seksion dhe/ose me palët e treta në vijim.

Ne mund të na duhet të ndajmë informacionin tuaj personal në situatat e mëposhtme:

• Transferet e biznesit. Ne mund të ndajmë ose transferojmë informacionin tuaj në lidhje me ose gjatë negociatave të çdo bashkimi, shitjeje të aseteve të kompanisë, financimin ose blerjen e të gjithë ose një pjese të biznesit tonë te një kompani tjetër.
• Filialet. Ne mund të ndajmë informacionin tuaj me bashkëpunëtorët tanë, në të cilin rast do t'u kërkojmë atyre filialeve të respektojnë këtë politikë të privatësisë. Filialet përfshijnë kompaninë tonë mëmë dhe çdo filial, partner të sipërmarrjes së përbashkët ose kompani të tjera që ne kontrollojmë ose që janë nën kontroll të përbashkët me ne.
• Partnerët e biznesit. Ne mund të ndajmë informacionin tuaj me partnerët tonë të biznesit për t'ju ofruar produkte, shërbime ose promovime të caktuara.
• Shitësit, konsulentët dhe ofruesit e tjerë të shërbimeve të palëve të treta. Ne mund t'i ndajmë të dhënat tuaja me shitësit e palëve të treta, ofruesit e shërbimeve, kontraktorët ose agjentët ("palët e treta") të cilët kryejnë shërbime për ne ose në emrin tonë dhe kërkojnë qasje në informacione të tilla për të kryer atë punë. Palët e treta që mund të ndajmë informacionin personal janë, por pa u kufizuar në: (i) Ofruesit e Shërbimeve financiare/Bankat, me të cilët ne mund të ndajmë informacione për të ndihmuar klientët tanë të kontaktojnë një institucion financiar të arsyeshëm, në lidhje me ofrimin e ndihmës financiare për të blerë mallra ose shërbime shtesë; (ii) përdorimi i shërbimeve të një ofruesi të shërbimit të pagesave, (d.m.th. porta e pagesës/payment gateway), me qëllim që të ofrohet një shërbim përmes të cilit mund të paguhet çmimi i blerjes.
• Ne mund të ndajmë informacionin e pagesave me ofruesit e shërbimeve për të përpunuar pagesat, për të parandaluar, zbuluar ose hetuar mashtrimin ose aktivitete të tjera të ndaluara, për të ndihmuar në zgjidhjen e mosmarrëveshjeve, të tilla si rimbursimet ose mbledhjet e mëvonshme, si dhe çështje të tjera të lidhura me pranimin e kartave të debitit dhe/ose kartat e kreditit.

Në rastet kur përdorni shërbimet e ofruara nga ofruesit e shërbimeve të palëve të treta, ne bëjmë çdo përpjekje për të siguruar që, kur pala e tretë ka kontakt me të dhënat personale të mbledhura ose të ruajtura nga ne, pala e tretë pranon të trajtojë të dhënat e sipërpërmendura në përputhje me kushtet e kësaj Politike të Privatësisë, dhe sipas ligjeve në fuqi për mbrojtjen e privatësisë dhe të dhënave personale.

Gjirafa në asnjë rrethanë nuk i shet të dhënat tuaja. Gjirafa përdor të dhënat e dorëzuara nga Ju sipas pëlqimit tuaj për këtë Politikë të Privatësisë, vetëm kur ekziston një bazë ligjore e specifikuar nga Ligji në fuqi për mbrojtjen e të dhënave personale, në mënyrë që të ofrojë Shërbime më të mira dhe të shfaqë reklama direkte më relevante për Ju.

Gjirafa nuk mbledh kopje të dokumenteve personale të identifikimit apo të ndonjë dokumenti tjetër nga klientët potencial. Gjirafa mund t'u kërkojë përdoruesve dokumente të identifikimit vetëm në rastet kur Gjirafa ofron shërbime me pagesë, dhe ka arsye të dyshojë në besueshmërinë e një porosie ose informacionin e dhënë nga përdoruesit. Dokumentet e lartpërmendura do të fshihen menjëherë nga baza e të dhënave të Gjirafa sapo të përfundojë verifikimi i synuar.

Shkurtimisht: Ne nuk jemi përgjegjës për sigurinë e çdo informacioni që ju ndani me palët e treta që ne mund t'i lidhim ose që reklamojnë në Shërbimet tona, por që nuk janë të ndërlidhura me Shërbimet tona.

Shërbimet mund të lidhen me faqet e internetit të palëve të treta, shërbime në internet ose aplikacione celulare dhe/ose të përmbajnë reklama nga palë të treta që nuk janë të ndërlidhura me ne dhe që mund të lidhen me faqe të internetit, shërbime ose aplikacione të tjera. Prandaj, ne nuk japim asnjë garanci në lidhje me ndonjë palë të tillë të tretë dhe nuk do të jemi përgjegjës për ndonjë humbje ose dëmtim të shkaktuar nga përdorimi i faqeve, shërbimeve ose aplikacioneve të tilla të palëve të treta. Përfshirja e një lidhjeje drejt një faqe interneti, shërbimi ose aplikacioni të palëve të treta nuk nënkupton një miratim nga ne. Ne nuk mund të garantojmë sigurinë dhe privatësinë e të dhënave që ju i jepni palëve të treta. Çdo e dhënë e mbledhur nga palët e treta nuk mbulohet nga kjo politikë e privatësisë. Ne nuk jemi përgjegjës për përmbajtjen ose praktikat dhe politikat e privatësisë dhe sigurisë së palëve të treta, duke përfshirë faqet e internetit, shërbimet ose aplikacionet e tjera që mund të lidhen me ose nga Shërbimet. Gjirafa, në asnjë rrethanë, nuk do të jetë përgjegjëse për kushtet që rregullojnë mbledhjen, përpunimin dhe mbrojtjen e të dhënave personale të cilat janë të zbatueshme për faqet e tilla të internetit të palëve të treta. Faqet e internetit e lartpërmendura nuk i përkasin, nuk janë në pronësi dhe/ose nuk operohen nga Gjirafa. Prandaj, Gjirafa refuzon shprehimisht përgjegjësinë dhe nuk mund të mbahet përgjegjëse për veprimet dhe/ose dëmet që mund të shkaktohen nga faqet e internetit të palëve të treta të cilat përdoruesit zgjedhin të vizitojnë. Ju këshillojmë të rishikoni politikat e këtyre palëve të treta dhe t'i kontaktoni drejtpërdrejt për t'iu përgjigjur pyetjeve tuaja, përpara se të hyni në ndonjë transaksion me ta dhe/ose t'u zbuloni atyre të dhënat tuaja personale.

Shkurtimisht: Ne mund të përdorim cookie dhe teknologji të tjera gjurmimi për të mbledhur dhe ruajtur informacionin tuaj.

Ne mund të përdorim cookie dhe teknologji të ngjashme gjurmimi (si p.sh. web beacons dhe pixels) për të mbledhur informacione kur ndërveproni me Shërbimet tona. Disa teknologji të gjurmimit në internet na ndihmojnë të ruajmë sigurinë e Shërbimeve tona dhe të llogarisë tuaj, të parandalojmë përplasjet (“crashes”), të rregullojmë gabimet (“bugs”), të ruajmë preferencat tuaja dhe të ndihmojmë me funksionet bazë të faqes.

Ne gjithashtu lejojmë palët e treta dhe ofruesit e shërbimeve të përdorin teknologjitë e gjurmimit në Shërbimet tona për analizë dhe reklama, duke përfshirë ndihmën në menaxhimin dhe shfaqjen e reklamave, për të përshtatur reklamat sipas interesave tuaja ose për të dërguar rikujtues të braktisur të karrocave të blerjeve (në varësi të preferencave tuaja të komunikimit). Palët e treta dhe ofruesit e shërbimeve përdorin teknologjinë e tyre për të ofruar reklama rreth produkteve dhe shërbimeve të përshtatura për interesat tuaja, të cilat mund të shfaqen ose në Shërbimet tona ose në faqet e tjera të internetit.

Informacioni specifik rreth mënyrës se si ne përdorim teknologji të tilla dhe se si ju mund të refuzoni disa cookie janë specifikuar më lart. Mësoni më shumë rreth informacionit të mbledhur nga "Cookies", më sipër.

Ne mund të ndajmë informacionin tuaj me Google Analytics për të gjurmuar dhe analizuar përdorimin e Shërbimeve. Për të hequr dorë nga gjurmimi nga Google Analytics nëpër Shërbimet, vizitoni tools.google.com/dlpage/gaoptout. Për më shumë informacion mbi praktikat e privatësisë së Google, ju lutemi vizitoni faqen "Privatësia dhe Kushtet e Google".

Shkurtimisht: Nëse zgjidhni të regjistroheni ose të identifikoheni/kyçeni në Shërbimet tona duke përdorur një llogari të mediave sociale, ne mund të kemi qasje në informacione të caktuara rreth jush.

Shërbimet tona ju ofrojnë mundësinë për t'u regjistruar dhe për t'u identifikuar duke përdorur të dhënat e llogarisë suaj të mediave sociale të palëve të treta (si Facebook ose Google). Në rast se ju zgjedhni ta bëni këtë, ne do të marrim informacione të caktuara të profilit tuaj nga ofruesi juaj i mediave sociale. Informacioni i profilit që marrim mund të ndryshojë në varësi të ofruesit të mediave sociale në fjalë, por zakonisht përfshin emrin tuaj, adresën e emailit, listën e miqve dhe fotografinë e profilit, si dhe informacione të tjera që ju zgjedhni t’i bëni publike në një platformë të tillë të mediave sociale.

Ne do të përdorim informacionin që marrim vetëm për qëllimet që përshkruhen në këtë politikë të privatësisë ose që ju janë bërë të qarta ndryshe në Shërbimet përkatëse. Ju lutemi vini re se ne nuk kontrollojmë dhe nuk jemi përgjegjës për përdorime të tjera të informacionit tuaj personal nga ofruesi juaj i mediave sociale të palëve të treta. Ne ju këshillojmë që të rishikoni politikën e tyre të privatësisë për të kuptuar se si ata mbledhin, përdorin dhe ndajnë informacionin tuaj personal dhe si mund të vendosni preferencat tuaja të privatësisë në faqet e internetit dhe aplikacionet e tyre.

Shkurtimisht: Ne mund të transferojmë, ruajmë dhe përpunojmë informacionin tuaj në vende të ndryshme nga vendi juaj.

Serverët tanë janë të vendosur në Kosovë. Nëse jeni duke hyrë në Shërbimet tona nga jashtë, ju lutemi kini parasysh se informacioni juaj mund të transferohet, ruhet dhe përpunohet nga ne në objektet tona dhe në objektet e palëve të treta me të cilat ne mund të ndajmë informacionin tuaj personal (shih " KUR DHE ME KË NE NDAJMË INFORMACIONET TUAJ PERSONALE?” më sipër) në dhe vende të tjera.

Ne do të marrim të gjitha masat e nevojshme për të mbrojtur informacionin tuaj personal në përputhje me këtë Politikë të Privatësisë dhe ligjin në fuqi.

Shkurtimisht: Ne e mbajmë informacionin tuaj për aq kohë sa është e nevojshme për të përmbushur qëllimet e përshkruara në këtë Politikë të Privatësisë, përveç nëse kërkohet ndryshe nga ligji.

Ne do t'i mbajmë të dhënat tuaja personale vetëm për aq kohë sa është e nevojshme për qëllimet e përcaktuara në këtë Politikë të Privatësisë, përveç nëse kërkohet ose lejohet me ligj një periudhë më e gjatë ruajtjeje (siç janë kërkesat tatimore, kontabiliteti ose kërkesa të tjera ligjore). Ne mund t'i mbajmë të dhënat tuaja personale pas mbylljes së llogarisë tuaj për të parandaluar mashtrimin, për të mbledhur çdo borxh të papaguar, për të zgjidhur mosmarrëveshjet, për të zbatuar marrëveshje dhe/ose kontrata, për qëllime të përcaktuara nga legjislacioni tatimor, për të ndihmuar çdo hetim dhe për të ndërmarrë veprime të tjera të lejuara dhe/ose kur kërkohet nga ligjet në fuqi. Kur nuk kemi nevojë të vazhdueshme legjitime të biznesit për të përpunuar informacionin tuaj personal, ne do ta fshijmë ose anonimizojmë një informacion të tillë, ose, nëse kjo nuk është e mundur (për shembull, për shkak se informacioni juaj personal është ruajtur në arkivat rezervë), atëherë ne do të ruajmë të dhënat tuaja personale dhe do të izolojmë ato nga çdo përpunim i mëtejshëm derisa të jetë e mundur fshirja. Në rastet kur nuk është më e nevojshme për ne, ose kur mbarojnë detyrimet ligjore për të ruajtur të dhënat tuaja personale, ose kur qëllimi për të cilin janë mbledhur dhe/ose ruajtur të dhënat tuaja personale pushon, ne shkatërrojmë të dhënat e sipërpërmendura në mënyrë të sigurt si dhe në përputhje me ligjin në fuqi për privatësinë dhe mbrojtjen e të dhënave personale, dhe në përputhje me politikat tona të brendshme.

Shkurtimisht: Ne synojmë të mbrojmë informacionin tuaj personal përmes një sistemi masash sigurie, organizative dhe teknike.

Ne mbrojmë të dhënat tuaja duke përdorur masa të larta sigurie teknologjike, fizike dhe administrative për të minimizuar rrezikun e çdo humbjeje, keqpërdorimi, aksesi të paautorizuar, zbulimi ose ndryshimi të të dhënave. Disa nga masat mbrojtëse që ne përdorim janë "firewalls", enkriptimi i të dhënave, nivelet e larta të kontrollit dhe kriteret e autorizimit për aksesin në të dhënat tuaja personale. Nëse keni arsye të besoni se llogaria juaj është komprometuar në ndonjë mënyrë, ju lutemi na kontaktoni menjëherë në [email protected]. Ne kemi zbatuar masa të përshtatshme dhe të arsyeshme sigurie teknike dhe organizative të dizajnuara për të mbrojtur sigurinë e çdo informacioni personal që përpunojmë. Megjithatë, pavarësisht masave mbrojtëse dhe përpjekjeve tona për të siguruar informacionin tuaj, asnjë transmetim elektronik përmes internetit ose teknologjisë së ruajtjes së informacionit nuk mund të garantohet të jetë 100% e sigurt, kështu që ne nuk mund të premtojmë ose garantojmë se hakerët, kriminelët kibernetikë ose palë të treta të tjera të paautorizuara nuk do të jenë të aftë të mposhtin sigurinë tonë dhe të mbledhin, aksesojnë, vjedhin ose modifikojnë në mënyrë të paligjshme informacionin tuaj. Edhe pse ne do të bëjmë çmos për të mbrojtur informacionin tuaj personal, transmetimi i informacionit personal në dhe nga Shërbimet tona është nën përgjegjësinë dhe rrezikun tuaj. Ju duhet të përdorni Shërbimet vetëm brenda një mjedisi të sigurt.

Shkurtimisht: Ne, me vetëdije, nuk mbledhim të dhëna nga ose tregtojmë për të miturit nën moshën trembëdhjetë (13) vjeç.

Ne, me vetëdijë nuk mbledhim, kërkojmë të dhëna nga, apo tregtojmë për fëmijët nën 13 vjeç. Personat nën moshën trembëdhjetë (13) nuk lejohen të regjistrojnë një llogari tek ne, ose të japin informacionin e tyre personal. Përdoruesit të cilët janë të paktën trembëdhjetë (13) vjeç, por nën tetëmbëdhjetë (18) vjeç, mund të regjistrohen tek ne, por vetëm nëse kanë pëlqimin e prindit dhe/ose kujdestarit të tyre ligjor, duke përfshirë pëlqimin për këtë Politikë të Privatësisë për dhe në emër të të miturve ndërmjet moshës trembëdhjetë (13) dhe tetëmbëdhjetë (18) vjeç.

Në rastet kur përpunimi i të dhënave kryhet në lidhje me personat nën moshën tetëmbëdhjetë (18) vjeç, ne bëjmë përpjekje të vazhdueshme për të verifikuar që pëlqimi është dhënë dhe/ose autorizuar nga një prind dhe/ose kujdestar ligjor i të miturve, duke marrë parasysh kapacitetet teknike të disponueshme.

Sipas kësaj Politike të Privatësisë dhe sipas Kushteve tona të Përgjithshme të Përdorimit (shih Kushtet e Përgjithshme të Përdorimit), prindërit dhe/ose kujdestarët ligjorë janë përgjegjës për dhënien e pëlqimeve të nevojshme për fëmijët që nuk kanë mbushur moshën madhore. Gjirafa në asnjë rrethanë nuk është përgjegjëse për veprimet e prindit dhe/ose kujdestarit ligjor në lidhje me një të mitur nën përkujdesin e tyre. Ne ju këshillojmë fuqimisht që të mbikëqyrni dhe monitoroni me kujdes fëmijët gjatë përdorimit të Shërbimeve tona. Nëse ne kuptojmë se janë mbledhur informacione personale nga përdorues nën 13 vjeç, ne do ta ç’aktivizojmë llogarinë dhe do të marrim masa të arsyeshme për t'i fshirë menjëherë këto të dhëna nga bazat tona të të dhënave. Nëse ju viheni në dijeni për ndonjë të dhënë që ne mund të kemi mbledhur pa vetëdije nga fëmijët nën moshën 13 vjeç, ju lutemi na kontaktoni në [email protected].

Duke përdorur Shërbimet tona, ju deklaroni dhe pohoni se jeni të paktën 18 vjeç ose, se jeni prindi ose kujdestari ligjor i një të mituri dhe ju jepni pëlqimin që i mituri të përdorë Shërbimet.

Shkurtimisht: Në disa rajone në Evropë, por edhe në Republikën e Kosovës, ju keni të drejta që ju mundësojnë qasje më të madhe dhe kontroll mbi të dhënat tuaja personale. Ju mund të rishikoni, ndryshoni ose mbyllni llogarinë tuaj në çdo kohë.

Sipas Ligjit Nr. 06/L –082 për Mbrojtjen e të Dhënave Personale, ju keni disa të drejta. Këto mund të përfshijnë:

• të drejtën për të kërkuar qasje dhe për të marrë një kopje të informacionit tuaj personal,
• e drejta për të kërkuar korrigjim ose fshirje (e drejta për t'u harruar);
• të drejtën për të kufizuar përpunimin e informacionit tuaj personal;
• nëse është e aplikueshme, e drejta për transferimin e të dhënave; dhe
• e drejta për të mos iu nënshtruar vendimmarrjes së automatizuar.

Nëse keni pyetje, ankesa ose sugjerime në lidhje me këtë Politikë të Privatësisë, ose për të drejtën tuaj për privatësi dhe mbrojtjen e të dhënave tuaja personale, mund të na kontaktoni direkt në [email protected].

Ne do të shqyrtojmë dhe do të veprojmë sipas çdo kërkese në përputhje me ligjet në fuqi për mbrojtjen e të dhënave.

Nëse ndodheni në Republikën e Kosovës dhe besoni se ne i përpunojmë në mënyrë të paligjshme të dhënat tuaja personale, ju gjithashtu keni të drejtë të ankoheni në Agjencinë për Informim dhe Privatësi.

E drejta për t'u harruar: Ju keni të drejtë t'i kërkoni Gjirafa të drejtën "për t'u harruar", e cila përfshin fshirjen e të dhënave tuaja personale. Në raste të tilla, Gjirafa do të ndërmarrë veprime për të plotësuar kërkesën tuaj brenda afateve optimale. Megjithatë, kini parasysh se kërkesa të tilla do të plotësohen nga Gjirafa në përputhje me kushtet ligjore dhe vetëm kur Gjirafa të sigurohet se nuk ka ndonjë detyrim ligjor dhe/ose kontraktual për të vazhduar ruajtjen e të dhënave tuaja. Ju lutemi mbani në mend se kërkesa juaj për t'u harruar nuk plotësohet gjithmonë automatikisht dhe se Gjirafa do të veprojë në përputhje me kërkesën tuaj për të fshirë të dhënat tuaja personale vetëm kur nuk ka detyrime të mëtejshme për ruajtjen e të dhënave të tilla.

Tërheqja e pëlqimit tuaj: Kur jeni të kyçur në llogarinë tuaj me Gjirafa, ju mund të menaxhoni konfigurimet e privatësisë dhe funksionet SSO të llogarisë tuaj në çdo kohë. Nëse ne mbështetemi në pëlqimin tuaj për të përpunuar informacionin tuaj personal, ju keni të drejtë të tërhiqni pëlqimin tuaj në çdo kohë. Ju mund ta tërhiqni pëlqimin tuaj në çdo kohë duke na kontaktuar duke përdorur të dhënat e kontaktit të dhëna në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë ose duke përditësuar preferencat tuaja.

Megjithatë, ju lutemi vini re se kjo nuk do të ndikojë në ligjshmërinë e përpunimit përpara tërheqjes së tij dhe, kur ligji në fuqi e lejon, nuk do të ndikojë në përpunimin e informacionit tuaj personal të kryer në bazë të bazave tjera të ligjshme të përpunimit përveç pëlqimit. Për më tepër, ju lutemi kini parasysh se nëse ju revokoni pëlqimin tuaj për përpunimin e të dhënave tuaja, Ju mund të mos keni qasje në të gjitha Shërbimet e Gjirafa dhe ne mund të mos jemi në gjendje t'ju ofrojmë të gjitha Shërbimet dhe mbështetjen që ju ofrohet përdoruesve të tjerë.

Të hiqni dorë nga komunikimet e marketingut dhe promovimit: Ju mund të ç’abonoheni nga komunikimet tona të marketingut dhe promovimit në çdo kohë duke klikuar në lidhjen e ç’abonimit (“unsubscribe”) në emailet që dërgojmë ose duke na kontaktuar në detajet e dhëna në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë. Më pas, ju do të hiqeni nga listat e marketingut. Megjithatë, ne ende mund të komunikojmë me ju - për shembull, për t'ju dërguar mesazhe të lidhura me shërbimin që janë të nevojshme për administrimin dhe përdorimin e llogarisë tuaj, për t'iu përgjigjur kërkesave të shërbimit ose për qëllime të tjera jo marketingu.

Informacioni i Llogarisë

Me kërkesën tuaj për të mbyllur llogarinë tuaj, ne do të çaktivizojmë ose fshijmë llogarinë dhe informacionin tuaj nga bazat tona aktive të të dhënave. Megjithatë, ne mund të mbajmë disa informacione në dosjet tona për të parandaluar mashtrimin, për të zgjidhur problemet, për të ndihmuar në çdo hetim, për të zbatuar kushtet tona ligjore dhe/ose për të përmbushur kërkesat ligjore në fuqi.

Nëse keni regjistruar një llogari në Gjirafa, ne ju ofrojmë opsionin e hyrjes në SSO (Single Sign-On) për të hyrë, korrigjuar, fshirë ose modifikuar informacionin personal që keni dhënë dhe që lidhet me llogarinë tuaj. Gjirafa gjithashtu ndërmerr hapat e nevojshëm për të siguruar dhe garantuar që të dhënat personale të mbledhura nga Ju nga Gjiirafa janë të sakta dhe të përditësuara, si dhe për t'u siguruar që Ju mund të aksesoni dhe korrigjoni këto të dhëna. Ne ju kërkojmë të përditësoni informacionin tuaj personal sa herë që ndodh ndonjë ndryshim ose nëse informacioni është i pasaktë. Gjirafa mohon shprehimisht dhe nuk merr përgjegjësi për kompensimin e çdo dëmi që mund t'ju shkaktohet si rezultat i informacionit të pasaktë ose të vjetëruar.

Cookies dhe teknologji të ngjashme: Shumica e shfletuesve të faqeve të internetit janë caktuar të pranojnë cookies si parazgjedhje. Nëse preferoni, zakonisht mund të zgjidhni që shfletuesi juaj të caktojë që të heqë cookies dhe të refuzojë cookies. Nëse zgjidhni të hiqni cookies ose të refuzoni cookies, kjo mund të ndikojë në disa veçori ose shërbime të Shërbimeve tona.

Shumica e shfletuesve të faqeve të internetit dhe disa sisteme operative celulare dhe aplikacione celulare përfshijnë një veçori ose cilësim Mos-Gjurmo ("DNT") që mund ta aktivizoni për të sinjalizuar preferencën tuaj të privatësisë që të mos monitorohen dhe mblidhen të dhëna për aktivitetet tuaja të shfletimit në internet. Në këtë fazë nuk është finalizuar asnjë standard teknologjik uniform për njohjen dhe zbatimin e sinjaleve DNT. Si i tillë, ne aktualisht nuk i përgjigjemi sinjaleve të shfletuesit DNT ose ndonjë mekanizmi tjetër që komunikon automatikisht zgjedhjen tuaj për të mos u gjurmuar në internet. Nëse miratohet një standard për gjurmimin në internet që duhet të ndjekim në të ardhmen, ne do t'ju informojmë për këtë praktikë në një version të rishikuar të kësaj Politike të Privatësisë.

Shkurtimisht: Po, ne do ta përditësojmë këtë politikë sipas nevojës për të qëndruar në përputhje me ligjet përkatëse.

Ne mund ta përditësojmë këtë Politikë të Privatësisë herë pas here. Versioni i përditësuar do të tregohet nga një datë e përditësuar ("Përditësimi i fundit dhe data") në krye të kësaj Politike të Privatësisë dhe versioni i përditësuar do të hyjë në fuqi sapo të jetë i aksesueshëm. Nëse ne bëjmë ndryshime materiale në këtë Politikë të Privatësisë, ne mund t'ju njoftojmë përmes njoftimeve, duke postuar në mënyrë të dukshme një njoftim për ndryshime të tilla, duke ju dërguar drejtpërdrejt një njoftim ose email, postime në mediat sociale dhe/ose ndonjë nga metodat e komunikimit të përcaktuara në këtë Politikë të Privatësisë ose në Kushtet e Përgjithshme të Përdorimit (shih Kushtet e Përgjithshme të Përdorimit). Të gjitha metodat e lartpërmendura të njoftimit konsiderohen zyrtare. Duke vazhduar qasjen dhe/ose përdorimin e Shërbimeve të Gjirafa pas hyrjes në fuqi të çdo modifikimi dhe/ose plotësimi të Politikës së Privatësisë, ju pajtoheni me këto përditësime. Ne ju inkurajojmë që ta rishikoni shpesh këtë Politikë të Privatësisë për t'u informuar se si po e mbrojmë informacionin tuaj.

Ju lutemi vini re se nëse modifikimet dhe/ose shtesat në këtë Politikë të Privatësisë janë të një natyre thelbësore, refuzimi juaj për të rënë dakord për përditësime të tilla mund të çojë në përfundimin e marrëdhënies tuaj me ne, d.m.th. në përfundimin e ofrimit të Shërbimeve tona për ju. Prandaj, nëse zgjidhni të mos ndani me ne të dhëna të caktuara, mund të mos jeni në gjendje të përdorni Shërbime të caktuara.

Në rast se ndonjë pjesë, paragraf dhe/ose nëntitull i kësaj Politike të Privatësisë konsiderohet dhe/ose rezulton të jetë i pavlefshëm nga ndonjë autoritet kompetent për çfarëdo arsye, pjesët e tjera të kësaj Politike të Privatësisë mbeten në fuqi dhe ruajnë efektin e plotë ligjor, pa u prekur nga pjesa tjetër që konsiderohet e pavlefshme.

Nëse keni pyetje, ankesa ose komente në lidhje me këtë Politikë të Privatësisë, ju mund të na kontaktoni përmes email-it në [email protected] ose të na kontaktoni me postë në: Gjirafa Inc., - Dega në Kosovë, Magjistralja Prishtinë – Ferizaj,Km i 6-të,Graçanicë, 10500,Republika e KosovësTel: +383 38 61 61 61 Mobile: +383 49 939 015Email: [email protected]

Nëse nuk dëshironi të pranoni njoftime nga Gjirafa, ju keni mundësinë të ç’regjistroheni/ç’abonoheni, kur është e aplikueshme, dhe/ose t'i bëni një kërkesë direkt Gjirafa për ç’aktivizimin e njoftimeve, duke përdorur informacionin e kontaktit të mësipërm.

Bazuar në Ligjin Nr. 06/L –082 për Mbrojtjen e të Dhënave Personale, ju mund të keni të drejtë të kërkoni qasje në informacionin personal që mbledhim nga ju, ta ndryshoni atë informacion, ta fshini atë, të jepni pëlqimin tuaj, të tërhiqni pëlqimet paraprake ose kërkoni ç’aktivizimin e llogarisë tuaj. Ju gjithashtu keni mundësinë e transferimit të të dhënave tuaja duke ju mundësuar shkarkimin e tyre. Për të kërkuar të rishikoni, përditësoni ose fshini informacionin tuaj personal ose nëse keni ndonjë pyetje, ju lutemi na vizitoni ose na kontaktoni drejtpërdrejtë në [email protected].